Pas Mediut, Dukës, Dules e Shehut aleati i radhës që mbërriti në selinë blu për të firmosur marrëveshjen e koalicionit për zgjedhjet e 25 prillit, ishte Shpëtim Idrizi i PDIU-së.
Ai ka mbërritur në selinë blu i shoqëruar nga nënkryetja Mesila Doda, për të vulosur marrëveshjen për të hyrë bashkë në zgjedhje.
Pak kohë më parë Idrizi pati deklaruar se do të preferonte të ishte në listën e kandidatëve të qarkut të Tiranës, duke qënë se edhe kontributin më të madh e kishte në këtë qark.
