Fieri vijon të jetë një nga vatrat kryesore të infektimit me Covid në Shqipëri. Sipas të dhënave të fundit të bëra publike nga ISHP, vihet re një rritje e ndjeshme e rasteve të reja të regjistruara në Fier.
Numri i infektimeve në qytetin e Fierit ka shkuar në 2607, ku vetëm ditën e mërkurë janë konfirmuar 76 të infektuar në Fier dhe 5 në Patos. Numri më i lartë i të infektuarve është shënuar nga pensionistët dhe të papunët, por ndërkohë pozitiv ka rezultuar dhe një fëmijë 8 muajsh. Tamponi u është bërë dhe 4 fëmijëve të cilët kanë shfaqur simptoma të ngjashme me Covid, por fatmirësisht kanë rezultuar negativ për koronavirus.
Sipas të dhënave të ISHP-së nga 76 të infektuar të cilët u konfirmuan ditën e mërkurë, 54 janë pensionistë e të papunë, 9 raste janë konfirmuar në biznese private, 6 mësues, 2 studentë, 2 efektivë të Policisë së Fierit, një mjekë, një infermierë e një fëmijë 8 muajsh.
Kujtojmë se ditën e djeshme në vendin tonë për herë të parë që nga shpërthimi i epidemisë shifra e të infektuarve gjatë 24 orëve ka kaluar 1000.
(R.G/Faxweb)
/faxweb