Krijimi i më shumë hapësirave për plazhe publike në Durrës po tërheq vemendjen e pushuesve, të cilët i kalojnë orët në çadrat e tyre.
Ata thonë se janë të kënaqur nga kjo mundësi, ndërkohë që kujdesen të ruajnë edhe distancat me pushuesit e tjerë.
Në total bashkia e Durrësit ka vendosur në dispozicion të qytetarëve 65 hapësira për plazhe publike, ndërkohë që gjatë darkës punonjësit e bashkisë kanë bërë edhe një spërkatje të terrenit kundër insekteve.
Nga ana tjetër hotelet që kanë aplikuar për plazhe private, janë bërë gati, duke vendosur çadrat dhe shezlogët, ndërsa presin që numri i pushuesve të rritet gjatë javëve të ardhshme.
