Policia e Krujës ka arrestuar një shtetas dhe ka shpallur në kërkim të birin e tij pasi gjatë kontrollit në banesën e tyre janë sekuestruar 5 kg lëndë narkotike “cannabis sativa”.
Në pranga ka rënë Beram Kulla banues në Bret të Krujës ndërsa i biri i tij Beram Kulla është shpallur në kërkim për veprën penale “Kultivim dhe mbajtje të lëndëve narkotike”.
Materialet i kaluan Prokurorisë së Rrethit Gjyqësor Krujë, për veprime të mëtejshme.
Njoftimi i plotë i policisë:
DVP Durrës
Goditet një tjetër rast i veprimtarisë kriminale në fushën e narkotikëve.
Sekuestrohen rreth 5 kg lëndë narkotike cannabis sativa.
Arrestohet në flagrancë një shtetas, shpallet në kërkim një tjetër.
Shërbimet e Komisariatit të Policisë Krujë në bashkëpunim me strukturat e DVP Durrës, në vijim të punës për parandalimin dhe goditjen e veprimtarisë kriminale në fushën e narkotikëve, bazuar në informacionet e mara në rrugë operative se 2 shtetas posedonin lëndë narkotike në banesë, kanë organizuar punën dhe kanë ushtruar kontroll në banesën e tyre në fshatin Bret, Krujë.
Gjatë kontrollit të ushtruar, shërbimet e Policisë kanë gjetur dhe sekuestruar në cilësinë e provës materiale rreth 5 kg lëndë narkotike cannabis sativa.
Në vijim të veprimeve u arrestua në flagrancë shtetasi Beram Kulla., si dhe u shpall në kërkim shtetasi Alfred Kulla, 29 vjeç, (baba e bir), banues në Bret, Krujë.
Materialet i kaluan Prokurorisë së Rrethit Gjyqësor Krujë, për veprime të mëtejshme.
…
/faxweb
