Rastet e larta me Covid-19, çadra e vaksinimit në sheshin ‘Skënderbej’ do të hiqet në këtë datë

Ministria e Shëndetësisë ka njoftuar vendimin për çmontimin e çadrës së vaksinimit ndaj Covid-19 që aktualisht ndodhet në sheshin ‘Skënderbej”. Sipas njoftimit të bërë, çadra do të hiqet në datën 25 dhjetor. Ndërsa sa i përket ekipeve të vaksinimit, këta të fundit do të jenë të shpërndarë nëpër qendrat shëndetësore.

Mësohet gjithashtu se vaksinimi në stadiumin “Air-Albania” do të vazhdojë rregullisht dhe të gjithë personat që duan të vaksinohen mund të paraqiten në ambientet e stadiumit në qendër të Tiranës.