Shkarkohet nga detyra, Besnik Daci drejtori i shkollës shkollës 9 vjeçare “Azem Hajdari”, ku mësonte 15 vjeçarja e abuzuar në Babrru. Pas këtij vendimi, është urdhëruar që drejtimin e shkollës ta marrë përkohësisht zv.drejtoresha.
Një ditë më parë, duke folur për mediat dhe rastin e rëndë të abuzimit të 15 vjecares nga roja i shkollës, ai tha se nga prindërit e nxënësve nuk kanë bërë asnjë denoncim në drejtorinë e shkollës. Ai tha se roja i shkollës sillej keq me nxënësit dhe shpesh herë u ngrinte zërin.
Ndërkohë, vetë babai i vajzës tha se ishte ankuar te drejtori dhe se ai i kishte thënë të denonconte në polici, gjë që e ka bërë, por nuk i është marrë parasysh.
Kjo është një prej ngjarjeve më të rënda, e cila vuri në lëvizje edhe Kuvendin një ditë më parë, teksa deputetet socialiste pranuan se institucionet nuk kanë funksionuar.