Sfera e Bugës: Çfarë është në të vërtetë objekti metalik që ra nga qielli në Kolumbi?

Objekti është analizuar nga radiologu kolumbian Jose Luis Velazquez, i cili ka kryer skanime instrumentale për të kuptuar natyrën e këtij artefakti. Sipas asaj që është raportuar:

• Sfera përbëhet nga tre shtresa metalike me dendësi të lartë;

• Brenda saj ndodhen 18 mikrosfera të shpërndara rreth një bërthame më të lehtë;

• Nuk ka saldime, vida apo bashkime të dukshme, gjë që e bën ndërtimin e saj të duket “i pamundur” me teknikat konvencionale.

Velazquez ka deklaruar se ka shumë mundësi të jetë një objekt artificial, por ka theksuar gjithashtu se nevojiten studime të mëtejshme për të sqaruar origjinën dhe funksionin e tij.

Rune, simbole mesopotamike dhe frymëzime nga filmat

Një nga elementet që ka shtuar hijeshinë rreth Sferës së Buga-s është prania e simboleve të gdhendura në sipërfaqe. Sipas disa interpretimeve, ato i ngjajnë runave nordike të lashta apo sistemeve të shkrimit mesopotamik. Disa të tjerë, me një sy më kinematografik, i kanë krahasuar me portalet e filmit “Stargate” nga Roland Emmerich.

Në mes të sferës ndodhet edhe një gdhendje që i ngjan një mikroçipi, element që ka çuar shumë njerëz të spekulojnë për origjinën e saj jashtëtokësore, ndoshta si pjesë e një sonde aliene të projektuar për të vëzhguar njerëzimin.

Teori ekstreme: shtim në peshë, valë radio dhe kontroll gravitacional

Në rrjetet sociale, rrëfimi ka marrë një kthesë gjithnjë e më fantastike. Disa nga teoritë më të përhapura janë:

• Sfera ka rritur peshën e saj nga rreth 2 kg në mbi 11 kg për disa ditë;

• Brenda saj mund të ketë plazmë që manipulon valët radio;

• Mund të ndikojë gravitetin përmes një fushe të supozuar elektromagnetike të gjeneruar nga bërthama e saj.

Asnjë nga këto pretendime nuk mbështetet nga të dhëna konkrete apo të verifikueshme. Janë kryesisht spekulime të ushqyera nga postime virale dhe nga tendenca njerëzore për të kërkuar mistere aty ku shkenca nuk flet.

E vërtetë, legjendë apo operacion mediatik?

Në këtë kaos informacioni, një gjë është e sigurt: Sfera e Buga-s është kthyer në një rast mediatik ndërkombëtar, mes teknologjisë intriguese dhe folklorit modern. Mund të jetë:

• një objekt eksperimental,

• një fragment sateliti,

• apo një mashtrim i ndërtuar mirë për të tërhequr vëmendjen.

Ose, siç shpresojnë entuziastët e UAP-ve (fenomenet ajrore të paidentifikuara), mund të fshehë një teknologji të panjohur, ndoshta jo njerëzore.

Për momentin, asnjë autoritet shkencor nuk është shprehur zyrtarisht për rastin. Dhe derisa shkenca të japë një shpjegim të qartë, Sfera e Buga-s do të mbetet një shembull i përsosur i mënyrës se si miti dhe realiteti shkrihen në kohën tonë digjitale, ku një objekt i vetëm mund të bëhet, brenda një dite, legjendë.

Përshtati në Shqip S