Gjykata e tiranës ka dënuar sërish biznesmenen e ndërtimit Vjollca Hoxholli. Togat e zeza kanë vendosur 8 vite burg për mashtrim më shumë se njëherë me pasoja të rënda.
Hoxholli vazhdon të qëndrojë në masën e sigurisë arrest shtëpie si pasojë e dënimit të mëparshëm.
Këtë herë kallëzimi është bërë nga 6 persona të cilëve u është shitur hyrja disa herë.
Hoxholli akuzohet se nën drejtimin e kompanisë së ndërtimit ‘Hoxholli shpk’ shiste disa herë të njëjtin apartament dhe përfitonte paratë duke mashtruar qytetarë të ndryshëm. Ajo u zbulua se kishte përfituar 318 mijë euro përmes mashtrimit.
