Kryedemokrati Lulzim Basha, ka reaguar pas përfshirjes në operacionin “Shpirti” të dy ish-shoqëruesve, të ish-ministrit të Brendshëm Saimir Tahiri.
Basha shkruan në “Twitter”, se nuk ka asgjë të re në të gjithë këtë mes, duke shtuar se “asgjë nuk lëviz pa lejen e bablokut”.
“Tahiri? Bodigardet e Tahirit? Çfarë ka të re ??????? Te gjithe e dine se asgje nuk levizte dhe nuk leviz pa lejen e bablokut !!! Te gjithe”, shkruan Basha.
Tahiri? Bodigardet e Tahirit? What's new???????Te gjithe e dine se asgje nuk levizte e nuk leviz pa lejen e bablokut!!! Te gjithe.
— Lulzim Basha (@lulzimbasha_al) July 4, 2021
Kujtojmë se të premten, SPAK në bashkëpunim me struktura ndërkombëtare finalizuan me sukses operacionin e koduar “Shpirti”. Në pranga ranë prokurorë, ish-punonjës policie, si dhe ish-shoqëruesit e ish-ministrit të Brendshëm Saimir Tahiri.
Ndaj njërit prej tyre, të quajtur Paul (Agustin) Deda, gjykata ka caktuar masën e “arrestit me burg” për veprat penale të ngritura nga SPAK “trafikim i narkotikëve”, në bashkëpunim në kuadër të grupit të strukturuar kriminal”, “pastrim i produkteve të veprës penale ose i veprimtarisë kriminale”, “grupi i strukturuar kriminal”, “kryerja e veprave penale nga organizata kriminale dhe grupi i strukturuar kriminal”.
