Një tërmet i fuqishëm, me magnitudë 7.4 ballë të shkallës Rihter, goditi zonën detare rreth 219 kilometra në jug të Ushuaias, në Tierra del Fuego, në Argjentinën jugore, raporton Shërbimi Gjeologjik i SHBA-së.
Tërmeti ndodhi në (09:58 sipas kohës lokale) 14:58, me orën tonë dhe dridhjet u ndjenë edhe në Kili.
Agjencia Kombëtare Kiliane për Parandalimin dhe Reagimin ndaj Fatkeqësive urdhëroi evakuimin e zonës bregdetare të provincës Magallanes në Kilin jugor për shkak të rrezikut të një cunami pas tërmetit.
