Ushtronin lojëra fati të paligjshme, policia arreston 3 persona në Vlorë, procedohen 3 të tjerë

baste-sportive-730x405-1.jpg

Ndajeni këtë artikull me të tjerë duke klikuar ikonat më poshtë

DVP Vlorë/Vijon operacioni policor “Fati i lojërave”.

Goditen 3 raste të tjera të zhvillimit të aktivitetit të paligjshëm të lojërave të fatit.
Vihen në pranga 3 shtetas dhe procedohen penalisht 3 shtetas të tjerë, për vepra të ndryshme penale.
Sekuestrohen dy kompjuter laptop, një printer, një Ipad, tre dekodera, dhe katër aparatë telefoni celular.

Në zbatim të planit të masave të hartuar nga Drejtoria Vendore e Policisë Vlorë, si dhe bazuar dhe në informacionet e marra në rrugë operative për ushtrimin dhe organizmin e lotarive dhe basteve sportive pa leje, vënien në dispozicion të lokaleve për lojëra fati dhe fshehjen e të ardhurave, strukturat hetimore të DVP Vlorë, në bashkëpunim dhe me Strukturat e Hetimit të Krimeve në Komisariatin e Policisë Vlorë, kanë vijuar kontrollet e vazhdueshme në lokale dhe ambiente të ndryshme.
Si rezultat i kontrolleve të ushtruara, në vijim dhe të operacionit “Fati i lojërave”, shërbimet e Policisë kanë goditur 3 raste të tjera, në vende dhe kohë të ndryshme, konkretisht:

Nga specialistët e Seksionit për Hetimin e Krimeve Ekonomiko-Financiare u bë arrestimi në flagrancë i shtetasit A.M.,25 vjeç, banues në Vlorë, pasi në lagjen “Pavarsia”, në ambjentet e lokalit të tij “BAR-KAFE”, dyshohet se ushtronte aktivitet të paligjshëm të lojrave të fatit. Gjatë kontrollit janë konstatuar disa paisje elektronike, si një kompjuter laptop, një printer, një Ipad të cilat dyshohen se përdoreshin për lojra të palejuara dhe baste sportive, duke perfituar vlera monetare të pa deklaruar në organet tatimore.

Specialistët për Hetimin e Krimeve në Komisariatin e Policisë Vlorë bënë arrestimin në flagrancë të shtetasit Xh.F.,25 vjeç, banues në Vlorë, sepse gjatë kontrollit të ushtruar në ambientet e lokalit të tij në lagjen “Pavarësia”, Vlorë, janë konstatuar tre dekodera, një kompjuter laptop dhe një aparatë telefoni celular, të cilat dyshohen se përdoreshin për lojra të palejuara dhe baste sportive.
Si dhe proceduan penalisht shtetasin P.C.,62 vjeç., banues në lagjen Pavarësia, Vlorë, pasi në ambientet e lokalit të mësipër u konstatua duke vendosur baste sportive.

Po nga Specialistët për Hetimin e Krimeve në Komisariatin e Policisë Vlorë u bë arrestimi në flagrancë i shtetasit D.B.,29 vjeç , banues në Vlorë, sepse gjatë kontrollit të ushtruar në ambientet e lokalit të tij në lagjen “24 Maj”, Vlorë,dyshohet se ushtronte aktivitet të paligjshëm të lojrave të fatit. Në vijim të veprimeve, gjatë kontrollit të lokalit u gjetën e sekuestruan tre aparate telefona celular të cilat dyshohen se përdoreshin për vendosjen e basteve sportive.
Si dhe proceduan penalisht shtetasit I.J.,50 vjeç,dhe A.D.,27 vjeç, banues ne Vlorë, pasi në ambientet e lokalit të mësipër kanë vendosur baste sportive.
Materialet hetimore i kaluan Prokurorisë pranë Gjykatës së Shkallës së Parë Vlorë, për veprime të mëtejshme.

/faxweb

Ndajeni këtë artikull me të tjerë duke klikuar ikonat më poshtë