Vdekja në rrethana misterioze e 4 turistëve në Qerret, reagon ambasada ruse: Presim hetim të plotë

DFC77762-406B-4350-910D-D5E49C9A491F.jpeg

Ndajeni këtë artikull me të tjerë duke klikuar ikonat më poshtë

Ambasada ruse në Shqipëri ka reaguar rreth vdekjes misterioze të 4 turistëve rusë në Hotel Gloria në Qerret 2 ditë më parë.

Ambasada thotë se është në kontakt të vazhdueshëm me agjencitë ligjzbatuese shqiptare. Në reagim thuhet se kërkohet hetim i plotë nga pala shqiptare rreth shkaqeve të vdekjes së viktimave.

Postimi i ambasadës ruse:

Rreth vdekjes së katër shtetasve rusë në Shqipëri

Ambasada ruse në Shqipëri konfirmon vdekjen e katër shtetasve rusë (Natalia Burenkova, Sergey Burenkov, Ekaterina Burenkaya dhe Nikita Belousov) në një hotel afër qytetit Kavajë. Departamenti Konsullor i Ambasadës është në kontakt të vazhdueshëm me agjencitë ligjzbatuese të vendit dhe po heton rrethanat e asaj që ka ndodhur. Ne presim një hetim të plotë nga pala shqiptare rreth shkaqeve të vdekjes së rusëve. Janë njoftuar të afërmit e të ndjerëve. Do të ketë riatdhesim të trupave në vendlindje.

Kujtojmë se 4 turistët rusë u gjetën pa shenja jete në hotel, por ende nuk dihet se çfarë e ka shkaktuar vdekjen e tyre.

Ndajeni këtë artikull me të tjerë duke klikuar ikonat më poshtë