Gjyqtari i Apelit Alaudin Malaj ka paditur pranë Prokurorisë Speciale kundër Korrupsionit (SPAK), komisioneren e Komisionit të Pavarur të Kualifikimit, Suela Zhegu.
Gjyqtari Malaj e akuzon komisioneren për falsifikim formularësh, duke kërkuar pezullimin e ushtrimit të detyrës si Komisionere e Komisionit të Pavarur të Kualifikimit deri në përfundim të hetimeve.
Sipas kallëzuesit, Komisionerja është akuzuar nga të afërm të saj për Mashtrim duke përvetësuar pasuri që nuk i përkasin.
Në këtë kallëzim pranë SPAK, Malaj akuzon se Suela Zhegu ka përvetësuar pasurinë e të vëllait të ndjerë, duke pretenduar se ai nuk ka fëmijë, pavarësisht se i ndjeri ka dy pasardhës.
Malaj thotë se edhe bashkëshorti i Suela Zhegut ka probleme me drejtësinë.
Zhegu në rast se i pranohet kallëzimi ndaj saj, do të hetohet për veprën penale të “Falsifikimit të formularëve”, të parashikuar nga neni 190 i Kodit Penal. Vetë Malaj kërkon që komisionerja të pezullohet nga detyra deri në përfundim të hetimeve.
/shqip