Një zyrtar policor në Nevada ka qëlluar për vdekje një grua para syve të fëmijëve të saj, pasi ajo në një moment i vërsulet me thikë policit.

Pamjet e kamerave të vendosura në uniformat e policisë në Nevada, shfaqin 33-vjeçaren Ariella Crawford duke ecur në skaj të rrugës në Alta Sierra me dy djemtë e saj kur polici Caleb Toderan iu afrua.

Gjithçka ndodhi kur një banor i asaj zone i telefonoi policisë se një grua po ecte në mes të rrugës, duke bllokuar trafikun.

Videoja e publikuar më poshtë shfaq Crawfordin që në një moment acarohet nga prezenca e policisë duke e nxjerr një thikë me të cilën vazhdimisht i kërcënonte.

“Për arsye të panjohur, Crawford duket shumë e acaruar nga prezenca e policëve, pavarësisht se njëri prej tyre vazhdimisht i thoshte se nuk është në telashe”, ka thënë sherifi i Nevadas, Shannan Moon.

Ai madje vazhdimisht ia bën me dije se nuk do t’ia prekë fëmijët, duke i kërkuar vazhdimisht që ta largojë thikën.

“Mos i lëndoni fëmijët e mi. Nëse diçka u ndodh fëmijëve të mi, e gjithë bota do ta kuptojë”, dëgjohet duke thënë ajo.

Por situata u tensionua edhe më shumë, sa që Crawford fillon të bërtet dhe Matthew Harrison ia drejton revolen elektrike duke parë se po i rrezikohej jeta.

E kur tenton ta godet Harrison, reagon kolegu i tij duke e qëlluar disa herë me revole. Ajo çfarë është më shokuese se dëshmitarë të ngjarjes ishin djemtë e saj që panë gjithçka. Crawford është shpallur e vdekur disa orë më vonë në spital, kurse policia ka filluar hetimet për të përcaktuar nëse forca ishte përdorur në proporcion me ligjet.

(S.D/Faxweb.al)

/faxweb