Vidhet shtëpia e këngëtares së mirënjohur shqiptare, Vaçe Zela.
Mësohet se persona ende të paidentifikuar, kanë vjedhur shtëpinë e këngëtares në Tiranë, e cila është ndarë nga jeta në shkurt të vitit 2014. Bëhet me dije se autorët kanë marrë një medalje të Vaçe Zelës, një laptop, dhe në ore të bashkëshortit.
Ngjarja ka ndodhur ditën e djeshme, ndërsa banesa ndodhet tek “Pazari i Ri” në kryeqytet. Vjedhja u konstatua nga motra e këngëtares ikonë të muzikës shqiptare që kujdeset për banesën.
