Policia e Durrësit ka shoqëruar rreth 20 persona në lidhje me vrasjen e Edmond Koçit, anëtar i bandës së Durrësit.
News 24 raporton se personat e shoqëruar po merren në pyetje në lidhje me ngjarjen në fjalë.
Krimi ndodhi pranë shtëpisë së prindërve të Edmond Çekiçit, i cili la pas dy fëmijë jetimë.
Ndërkohë, nga kontrolli në makinë nuk u gjet asgjë e paligjshme, ndërsa viktima nuk ishte i armatosur në momentin kur u qëllua me armë për vdekje.
40-vjeçari udhëtonte me mjet me shofer dhe një automjet tjetër i ka prerë rrugën. Mësohet se nga mjeti ka dalë shoferi i viktimës për të pyetur se çfarë kishte, ndërkohë që një nga personat në mjetin tjetër ka qëlluar për vdekje Edmondin.
Fill pas kësaj, ata janë larguar me një mjet tip ‘Benz’ me targa të vjedhura në Tiranë, i cili është braktisur dhe djegur nga autorët në Katund Sukth, Durrës.
