Ambasadorja e shba, Yuri Kim ka mbërritur në Shkodër për t’u takuar me përfaqësuesit e partive politike për fushatën zgjedhore.
Takimin e parë, raporton Vizion Plus, diplomatja amerikane e zhvilloi me drejtuesin politik të PD, Helidon Bushatin, ndërsa më pas është ndalur në selinë e PS ku është duke u takuar me Edona Bilalin, kryesuesen e listës së kandidatëve për deputet nga radhët e socialisteve.
Takimet ambasadorja do i vazhdojë dhe me përfaqësuesit e tjerë të forcave politike, me përjashtim të kryetarit të partisë social-demokrate, Tom Doshi, për të cilin ka kërkuar që të mos garojë në zgjedhjet e 25 prillit.
