Rruzhdi Allkushi, pronari i 200 deleve dhe mbi 4000 lidhjeve bari që u dogjën mëngjesin e sotëm në fshatin Vrion të Finiqit, nuk është dakord me versionin paraprak të ngjarjes “zjarr aksidental”.
Fermeri me eksperiencë mbi 20-vjeçare e sheh zjarrin e rënë në stanin e tij si një veprim të qëllimshëm, pas të cilëve ka autorë.
“Më datë 22.01.2021, rreth orës 06:15, në fshatin Viron, Finiq, në një stan ka rënë zjarr dhe si pasojë janë djegur rreth 200 bagëti (dele) dhe një sasi e konsiderueshme baze ushqimore.
Nga hetimet paraprake dyshohet se zjarri ka rënë aksidentalisht. Grupi hetimor po kryen veprimet e mëtejshme për sqarimin e rrethanave të ngjarjes,” njoftoi më herët Policia.
Një zjarr me përmasa të mëdha ka rënë në një stan në Finiq mëngjesin e kësaj të premteje, ku për pasojë janë djegur 200 dele. Mësohet se zjarri ka rënë në fshatin Viron, dhe për pasojë përveç bagëtive të imëta, është djegur dhe një sasi e konsiderueshme e bazës ushqimore. Pritet që në vijim të vlerësohen edhe dyshimet e vetë fermerit.
(E.H/Faxweb.al)
/faxweb
