Ministria e Financave ka miratuar një pjesë të mbështetjes financiare që Komisioni Qëndror i Zgjedhjeve kishte kërkuar për zgjerimin e votimit dhe numërimin elektronik në zgjedhjet vendore të 14 majit.
KQZ kishte kërkuar 3 miliardë lekë për të shtrirë votimin dhe numërimin elektronik në 6 bashki të vendit por me fondin e dhënë nga qeveria prej 1.8 miliardë lekë, ky proces do të jetë i mundur vetëm në dy bashki të tjera përveç asaj të Vorës.
Dy bashkitë e tjera të cilat diskutohen që votimi të kryehet elektronikisht mendohen të jetë Elbasani dhe Kamza.
Megjithatë vendimarrja i takon kryekomisionerit shtetëror të zgjedhjeve, Ilirian Celibashi i cili fillimisht do të diskutojë edhe me partitë politike të interesuara për këtë proces.
