Pas premtimit të kryeministrit Edi Rama se të prekurit nga tërmeti që humbën shumë familjarë në këtë tragjedi do të marrin për gjithë jetën 1 milionë lekë në muaj pension, tashmë çdo gjë është zyrtarizuar.
Vendimi i qeverisë është botuar në Fletoren Zyrtare, ku theksohet për akordimin e trajtimit të posaçëm financiar për të gjithë jetën për personat që ju shkatërruan familjet duke humbur njerëzit e tyre nga tërmeti tragjik i së martës së kaluar.
Lista e personave që përfitojnë këtë pension:
Lindita Cara
Albert Cara
Aleks Çupi
Albert Lala
Denisa Greku
Marjana Rexhepi
Femi Vata
Pranvera Qato
Diana Steneci
Rama mblodhi sërish qeverinë. Kryeministri i bën thirrje qeverisë që identifikojë përgjegjësit e ndërtimeve.
Ai premtoi se do të ndërtojë në një plan afatgjatë 10 mijë banesa, dhe një afatshkurtër 5 mijë. Ai premtoi se në Tiranë, Durrës dhe Kurbin do të ndërtohen lagje të reja.
Rama nënvizoi se para Krishtlindjeve të pastrohen të gjitha inertet në Durrës me kontribut të kompanive private.
