Ambasadorja e SHBA në Tiranë, Yuri Kim, uroi sot 1 vjetorin e krijimt të Strukturës së Posaçme kundër Korrupsionit dhe Krimit të Organizuar-SPAK.
Përmes një postimi në rrjetet sociale Kim shkruan se kryeprokuroi Arben Kraja konfirmoi vendosmërinë e SPAK për t’i dhënë fund mosndëshkimit të kriminelëve në Shqipëri.
Diplomatja e lartë shprehet serish se SHBA do të mbështesë fuqimisht SPAK-un për të arritur rezultate te dukshme në vitin 2021.
“Në 1 vjetorin e SPAK, Kryeprokurori Kraja Arben iu përgjigj pyetjeve se si do të funksionojë SPAK.
Më e rëndësishmja, ai konfirmoi vendosmërinë e SPAK për t’i dhënë fund mosndëshkimit të kriminelëve në Shqipëri.
SHBA do të mbështesë fuqimisht SPAK për të arritur rezultate në 2021,” shkruan Kim në postimin e saj.
