Lëvizja Bashkë e udhëhequr nga Arlind Qori ka vijuar takimet elektorale në jug të vendit.
Fermerët në zonën e Beratit dhe Dimalit u ankuan për grumbulluesit e produkteve bujqësore, të cilët janë marrë vesh mes tyre për të ulur artificialisht çmimet me të cilat ua blenë fshatarëve.
Në Dimal tregtarët dhe qytetarët shprehën njëzëri shqetësimin për braktisjen e qytetit për shkak të mungesës së mundësive ekonomike.
“Sot aktivistët e Lëvizjes BASHKË vizituan tregun e Poshnjes dhe qytetet e Beratit dhe Dimalit. Qytetarëve u prezantuam kandidatët e Lëvizjes BASHKË për qarkun e Beratit dhe pikat kryesore të programit tonë.
Në Poshnje bujqit na u ankuan për grumbulluesit e produkteve bujqësore, të cilët janë marrë vesh mes tyre për të ulur artificialisht çmimet me të cilat u marrin fshatarëve produktet bujqësore.
Në Dimal tregtarët dhe qytetarët shprehën njëzëri shqetësimin për braktisjen e qytetit për shkak të mungesës së mundësive ekonomike.
Në Berat qytetarët ngritën shqetësimin e krizës së sipërmarrjeve prodhuese, çka e kufizon shumë impaktin e turizmit në ekonominë e qytetit.
Ngado qytetarët na pritën mirë, u interesuan për programin tonë, madje një pjesë e mirë syresh na premtoi mbështetje elektorale më 11 maj”, shkruan Lëvizja Bashke.