Pyetjes së medias nëse data 15 mars është datë e panegociueshme për kreun e shtetit, lënë si datë afat për reflektim nga ana e shumicës, në të kundërt do të shkonte ne Parlament, duke nënkuptuar kërkesën për shpërndarjen e tij, Presidenti i ka dhënë këtë përgjigje:
“Integriteti i gjykatës Kushtetuese është vijë e kuqe, e kuqe flakë, e patë uraganin kuqezi, faleminderit”.- tha Meta.
Ndërkohë i pyetur nga gazetarët nëse i druhet faktit që qëndrimet e tij dërguar eurokomisionerit për Zgjerimin në Bruksel, do të ndikonin në të ardhmen integruese të Shqipërisë, presidenti Ilir Meta thotë se përgjegjësinë duhet ta ndjejë mazhoranca.
Gjithashtu Meta bëri me faj edhe ndërkombëtarët që nuk kanë reaguar pas shqetësimeve dhe paralajmërimeve që presidenti tha se ka ngritur për Gjykatën Kushtetuese.
“A i druhem unë të vërtetës që kam 3 vjet që po ua them ju qytetarëve të Shqipërisë, gjithë përfaqësuesve ndërkombëtarë që vinë këtu, mazhorancës, qeverisë, opozitës, që kam bërë çdo gjë që Shqipëria 1 minutë të mos rrinte pa Gjykatë kushtetuese, i dinë përpjekjet e mia dhe kush e minoi, dhe të mos ndjejnë përgjegjësi për këtë situatë ata që e kanë shkaktuar?
E ka shkaktuar vetë mazhoranca që tani do të kapë Gjykatën Kushtetuese, pa të cilën nuk ka bashkëjetesë paqësore në këtë vend, sepse nuk ka më arbitër. Pse të mos i druhen ata të tjerët nga ana e ndërkombëtarëve që nuk i janë përgjigjur paralajmërimeve të presidentit. Kush është përgjegjësia e presidentit këtu? Ka vetëm një interes, pushtet absolut dhe për të minuar interesat kombëtare.
Kush na bën ne moral për çështjen e integrimit, zonja Bilali, që 3 vjet e ngriu procesin e integrimin, e detyrova unë do koalicion për të ardhmen, do votosh këto ligjet që të zhbllokohet.
Kisha frikë që sdo merrnin 84 vota dhe opozita do gjente sebep për t’u hakmarrë. Unë isha i detyruar t’i shkruaja komisionerit. A ka ndonjë gënjeshtër nga këto këtu? Më thoni nëse ka ndonjë letër? Nuk e kishim në shqip, e kishim në anglisht vetëm për të informuar komisionerin”, – tha Meta. (TemA)
