Vizita e presidentit turk Rexhep Tajjip Erdogan në Bosnjë, ka dyndur njerëz nga e gjithë Europa që kanë ardhur në Sarajevë tura-tura.
Autobusët ishin të mbushur me jo vetëm me turq që janë emigrante në vendet e BE-së por kryesisht ballkanas, kaukazianë, arabë, por edhe europianë puro.
Duhet thënë se thuajse të gjithë janë muslimanë që kanë simpati për politikën e ndjekur nga Erdogan.
Bëhet fjalë për 20 mijë vetë që do të marrin pjese ne një tubim ne Pallatin e Sportit “Zetra” të Sarajevës.
Përkrahësit kanë vënë shalle dhe mbajnë flamuj të Turqisë.
Erdogan është takuar fillimisht me kreun e Presidencës së Bosnjë-Hercegovinës, Bakir Izetbegoviç, si pjesë e një vizite shtetërore në Sarajevë.
Presidenti i Turqisë ka takuar edhe veteranin e luftës së Bosnjës, Mujo Agaboviç.
Takim që ishte mjaft emocionues.
Në protokoll është parashikuar që Erdogan dhe Izetbegoviç do të ecin rrugës së Bashçarshisë, apo siç quhet qyteti i vjetër i Sarajevës dhe në fund të ditës do të falin akshamin në Xhaminë e Beut.
