25 dhjetor 1638. Si sot në historinë e Perandorisë Osmane, Sulltan Murati IV rimori Bagdadin, një nga qytetet më të rëndësishme të Lindjes së Mesme, nga Perandoria Persiane Safavide.
Ushtria Osmane e komanduar nga Sulltan Murati, marshoi drejt Bagdadit dhe e rrethoi qytetin, rrethim i cili kulminoi me rimarrjen e Bagdadit. Si një komandant i shquar në terren dhe si një njeri jashtëzakonisht i fuqishëm, sulltan Murati ishte sulltani i dytë osman që personalisht komandonte një ushtri në fushën e betejës që nga vdekja e sulltan Sulejman Kanunit.
Pas nënshtrimit të qytetit, Sulltan Murati IV e vizitoi Bagdadin dhe urdhëroi rinovimin e varreve të Imam Ebu Hanifes dhe Abdul Kadir Xhilanit, dy figura të shquara të historisë së Islamit. Pas kthimit të Sulltan Muratit në Stamboll, për të përkujtuar fitoren osmane në Bagdad, ai urdhëroi ndërtimin e pavijonit të famshëm të Bagdadit (Bagdat Kosku) në Pallatin Topkapi. I njohur si sulltani luftëtar, ai mbahet mend për thënien: “E ndiej se çlirimi që i bëra Bagdadit ishte më i bukur se vetë Bagdadi!”.
