Më 14 shtator të 1998, Shqipëria, e sapodalë nga trazirat e ’97, përjetoi një nga ditët më të dhunshme të historisë së saj.

 

25 vite më parë, ceremonia mortore e deputetit të vrarë Azem Hajdari u kthye në një protestë të dhunshme, e shoqëruar me sulme ndaj institucioneve më të larta shtetërore.

 

Ekranet e medias shqiptare dhe asaj të huaj u mbushën me pamje të shkatërrimit që përfshiu Kryeministrinë. Kdërsa ish – kryeministri Nano, I akuzuar neë atë kohë nga Berisha për vrasjen e Hajdarit, nuk ndodhej në seli.

 

Sulmi i armatosur ndaj godinës së qeverisë nisi kur aty pranë mbërriti kortezhi i nisur nga sheshi “Skënderbej”.

 

 

Më pas, grupet e armatosura vendosën nën kontroll edhe selinë e Kryesisë së Kuvendit, Gjykatën Kushtetuese si edhe Ministrinë e Financave.

 

Për të rivendosur rendin në vendin, Garda nxori në rrugë tanket dhe autoblindat, por protestuesit përshkallëzuan më tej situatën, duke rrëmbyer 3 tanke dhe një autoblind.

 

Në dorën e protestuesve të opozitës së drejtuar në atë kohë nga Sali berisha, ra edhe Televizioni publik, ndërsa kaosi vijoi në kryeqytet deri në orën 16.00, kur më pas forcat e policisë arritën të rikthenin rendin, për t’i dhënë fund protestës së armatosur 3 orë më vonë.

 

Departamenti Amerikan i Shtetit dënoi grushtin e shtetit dhe deklaroi se nuk do të njihte asnjë pushtet që do të dilte nga dhuna.

 

 

 

Subscribe kanalin tonë në Youtube për të mos humbur asnjë video të re