Ka shkuar në 250 numri i të infektuarve me koronavirus në Kosovë. Mbrëmë janë konfirmuar edhe 23 raste të reja me koronavirus, ndërkohë kanë humbur jetën shtatë persona.
Përmes një njoftimi në faqen zyrtare, Instituti Kombëtar i Shëndetit Publik ka bërë me dije se rastet e konfirmuara janë raste kontakti nga Ferizaj, Vitia, Hani i Elezit, Prizreni dhe Prishtina. IKSHP-ja ka njoftuar edhe për shërimin e 14 pacientëve të tjerë, duke e çuar në 52 totalin.
Sipas IKSHP-së, që nga data 8 shkurt e deri mbrëmë janë testuar dy mijë e 876 persona, ndërsa në mbikëqyrje të mjekëve janë gjithsej katër mijë e 176 persona që kanë pasur kontakte me rastet e infektuara.
Deri më tani, në nivel global janë shënuar 1.675.285 raste të COVID-19, ndërsa kanë humbur jetën 101.485 persona, shifër për të cilët SHBA mban rekordin botëror.
