Mbi 3.6 milionë qytetarë zotërojnë të drejtën e votës për zgjedhjet e majit. Kjo është e dhëna paraprake që Drejtoria e Përgjithshme e Gjendjes Civile bën për llogari të Komisionin Qendror të Zgjedhjeve. Në ndryshim nga parlamentaret e fundit, numri i qytetarëve me të drejtë vote është rritur me 65 mijë e 119-të.
Paralelisht me apelin për numrin e votuesve, detyrimi i 61 bashkive është t’u shkojnë derë më derë qytetarëve dhe t’u bëjnë me dije qendrën e votimit.
Por këtë detyrim ligjor dhe shqetësim të ngritura herë pas here nga OSBE-ODIHR nuk e kanë zbatuar të gjitha bashkitë.
ILIRJAN CELIBASHI
KOMISIONERI SHTETEROR I ZGJEDHJEVE
Në lidhje me procesin e njoftimit me shkrim të zgjedhësve kemi informacion vetëm nga 40 bashki, nga 61 bashki dhe janë 21 bashki të cilat nuk kanë sjellë asnjë informacion ne KQ Z edhe pse në mënyrë të vazhdueshme i është kërkuar atyre.
Po aq komisioneri shtetëror i zgjedhjeve, Ilirjan Celibashi, bëri me dije se afër skadimit të afatit të kërkesës për regjistrimin e partive për vendoret e 14 majit, të parat e interesuara janë partitë e vogla.
ILIRJAN CELIBASHI
KOMISIONERI SHTETEROR I ZGJEDHJEVE
Deri tani kanë paraqitur kërkesën për tu rregjistruar si subjekt zgjedhor, 21 parti.
Vetëm pasi KQZ të bëjë regjistrimin e partive politike për të garën e 14 majit, Ilirjan Celibashi do të ndajë edhe lekët për secilën prej tyre për të përballuar një pjesë të shpenzimeve për fushatën elektorale.
