Metodat e trajtimit të konstipacionit varen nga shkaku themelor dhe kohëzgjatja që ka. Por ka mënyra se si mund të lehtësoheni nga kapsllëku në shtëpi.
Sidoqoftë, është e rëndësishme të mbani në mend se nëse vuani nga efekte të tjera anësore, duhet të caktoni një takim për të parë mjekun tuaj sa më shpejt që të keni mundësi.
Ne kemi krijuar një listë të ushqimeve që mund të shtoni në dietën tuaj dhe disa mënyra të tjera me të cilat cilat mund t’i thoni lamtumirë kapsllëkut.
Lehtësimi i kapsllëkut
Uji:
Kapsllëku ndodh për shkak të dehidrimit në zorrën e trashë. Mbajtja e trupit të hidratuar siç duhet do të thotë që më pak ujë tërhiqet nga zorra e trashë. Kjo e mban mbetjen tuaj të butë dhe lejon që ajo të kalojë më lehtë. Këshillohet që të pini të paktën 8 gota ujë çdo ditë që metabolizmi i trupit të funksionojë pa probleme.
Kosi
Probiotikët, bakteret e dobishme që gjenden në kos, mund të lehtësojnë problemet e tretjes.
Melasa të zeza
Melasa e zezë prodhohet duke zier shurup sheqeri 3 herë. Ky proces bën që ajo të përmbajë një sasi të konsiderueshme të vitaminave dhe mineraleve (veçanërisht magnezit) që ndihmojnë në lehtësimin e kapsllëkut. Një lugë gjelle melasë e zezë para se të shkoni në shtrat duhet të ndihmojë në lehtësimin e kapsllëkut tuaj.
Farat e susamit
Nëse vuani nga kapsllëku, spërkatni disa fara susami mbi sallatën, kosin ose mjaltin tuaj. Një lugë e vogël e farave të susamit përmban rreth 1.1 g fibra të cilat ndihmojnë në lehtësimin e kapsllëkut. Një zgjedhje tjetër e mirë mund të jenë farat e kungullit.
Banane
Është çështje kohore. Ndërsa bananet e papjekura mund të shkaktojnë kapsllëk, bananet e pjekura mund të ndihmojnë në lehtësimin e kapsllëkut. Kështu që nëse vuani nga kapsllëku, hani banane të pjekura, por nëse keni aktivitet të shpeshtë të zorrëve, hani banane të papjekura.
Kumbulla të thata
Konsumimi i kumbullave të thata mund të lehtësojë kapsllëkun. Kumbullat janë një burim i pasur me fibra të patretshme, si dhe të sorbitol, i cili është një laksativ natyral. Fëmijët që e pëlqejnë shijen e kumbullave mund t’ua shërbeni lëngun e tyre të kombinuar me elementë të tjerë.
Akupresioni
Ena e konceptimit 6 (CV 6) është e vendosur 3 gishta nën kërthizën tuaj. Për të stimuluar zorrët, përdorni gishtat për të shtypur fort në këtë zonë për 30 sekonda. Ndërsa jeni duke stimuluar, mbani sytë mbyllur dhe merrni frymë normalisht.
Aromaterapi
Limoni, portokalli, rozmarina, borziloku i ëmbël, kopra dhe menteja janë aromat më të mira për të mposhtur kapsllëkun.
Ushtrime
Një plan i rregullt i ecjes që zgjat edhe 10 deri në 15 minuta në ditë mund të rrisë ndjeshëm efektivitetin e sistemit të tretjes.
/shkollaeshendetit.com
