49-vjeçarja Mimoza Kristo, e cila u gjet pa shenja jete ditën e sotme midis fshtit të Gozhdarazhdës ku ajo banonte dhe Podës, nuk ka pasur asnjë shenjë dhune.
Ky është konkluzioni i parë që kanë nxjerrë ekspertët e policisë në terren.
Sipas bluve, vdekja e saj nuk është shkaktuar nga dhuna fizike, ndërkohë që trupi i 49-vjeçares po transportohet drejt morgut për ekspertizë të mëtejshme dhe do të jetë mjeku ligjor ai që do të përcaktojë shkaqet e vdekjes.
Kolonjë
Në vijim të informacionit të datës 21.05.2023, që bënte fjalë për largimin nga banesa të shtetases M. K., 49 vjeçe, sqarojmë se:
Më datë 24.05.2023, shtetasja M. K., e cila vuante nga probleme të shëndetit mendor, është gjetur e pajetë, në zonën midis fshatrave Podë dhe Gozhdarazhdë. Nga këqyrja paraprake e trupit të viktimës nuk janë konstatuar dëmtime fizike.
Pritet ekspertiza mjeko-ligjore për të përcaktuar shkakun e vdekjes.
Grupi hetimor po punon për zbardhjen e rrethanave të ngjarjes.
