Shteti amerikan i Alabamës u godit të enjten nga një numër tornadosh që lanë 5 të vrarë.
Stuhitë në shtetin jugor të SHBA-së erdhën pas gati 50 tornadove të tjerë të fuqishëm që përshkuan rajonin javën e kaluar.
5 viktima u raportuan në zonën e Kalhunit, midis Birmingamit dhe kufirit me Xhorxhën.
Mes tyre ishin tre anëtarët e një familjeje që banonin në një shtëpi druri, ndërsa një burrë dhe një grua tjetër humbën jetën në shtëpitë e tyre portative.