Disa njerëz kanë probleme të bien në gjumë.

Disa të tjerë nuk mund të qëndrojnë pa gjumë. Përfitimet shëndetësore të një gjumi të mire janë të panumërta: gjumi të ndihmon të jesh I lumtur, trurin e bën më të mprehtë, sistemin juaj imunitar më të fortë, hollon belin tuaj, rinon lëkurën tuaj si-dhe ul rrezikun e presionit të lartë të gjakut dhe sëmundjet e zemrës.

Ushqimet që ne përzgjedhim kanë shumë rëndësi në cilësinë e gjumit. Ushqimet e pasura me karbohidrate nxisin një reagim zinxhir që të bën të përgjumur.

Kur karbohidratet që ne kemi marrë nëpërmjet ushqimit kanë arritur të treten në stomak , ato nxisin çlirimin e insulinës e cila ndihmon aminoacidin triptofan të futet në tru dh të kthehet në serotoninë e cila të përgjum.Ushqimet proteinike kanë efekt të kundërt me këtë.Proteinat zbërthehen në aminoacide që zvogëlojnë sasinë e triptofanit që futet në tru dhe prodhimi I serotoninës është më i vogël.

1. Peshku –pjesa më e madhe e peshqve-dhe sidomos salmon dhe peshku ton përmbajnë vitaminën B6, e cila është e nevojshme për prodhimin e melatoninës – hormonin e gjumit që shkaktohet nga errësira. Gjithashtu permbajne mjaft protein dhe acide yndyrore Omega 3 shume të dobishme për organizmin.

2. Bananet janë një ilaç I pazëvendësueshëm I gjumit. Përmbajnë magnez I cili është I mrekullueshëm pë relaksimin e muskujve. Janë të pasura me serotoninë , një molekulë, e cila në sistemin cerebral, stimulon gjumin dhe ka efekt çlodhës.

3. Qumështi I ngrohtë është një burim i shkëlqyer i aminoacidit triptofan I cili ka efekt qetësues si dhe kalcium I cili është mëse i domosdoshëm për eshtrat tona. Një filxhan qumësht i nxehtë me 2-3 lugë tërshërë ështe I mrekullueshëm për të bërë një sy gjumë të qetë.

Tërshëra në vetvete është një burim natyral i melatoninës, e cila është një hormon që çlirohet nga gjëndra pineale gjatë natës, për të inkurajuar gjumin. Kokrrat e tërshërës janë të pasura me kalcium dhe magnez, dy minerale të përsosura që ndihmojnë për të bërë gjumë të gjatë dhe relaksues.

4. Farat e lirit, falë pranisë së magnezit, kaliumit dhe acideve yndyrore Omega-3, ndihmojnë në zvogëlimin e disa shkaqeve të pagjumësisë si depresioni, ankthi dhe stresi dhe janë edhe një ilaç efektiv kundër gërhitjes.

5. Qershitë – Që ju të keni mundësinë që të bëni një gjumë të thellë trupi duhet të prodhojë sasinë e duhur të melatoninës. Qershitë në përbërjen e tyre kanë sasi të mire të melatoninës.

Kategorikisht evitoni pijet alkoolike, apo pijet që përmbajnë kafeinë, kafeja apo çaji. Edhe patatinat, çokollatat janë ushqime që shkaktojnë një efekt zgjues, ndaj evitojini para se të flini gjumë.

I thoni jo ushqimeve të rënda para se të bini të flini, pra në vaktin e darkës. Vështirësoni tretjen në këtë mënyrë dhe trupi juaj duke nisur prej stomakut, nuk do të jetë I qetë.

Eliminoni yndyrat e tepërta, apo edhe ato të cilat përmbajnë tiroksinë, një aminoacid i cili vepron si një stimulues i proceseve mendore, i cili gjendet në ushqime si mishi.

/shkollaeshendetit.com

Subscribe kanalin tonë në Youtube për të mos humbur asnjë video të re