Gjashtë pacientë të tjerë humbën jetën nga koronavirusi brenda 24 orëve të fundit.
Në përditësimin e Ministrisë së Shëndetësisë u njoftua se viktimat janë një 61-vjeçar nga Tirana, një 65-vjeçar nga Elbasani, një 66-vjeçar nga Fieri, dy qytetarë nga Vlora të moshave 68 dhe 75 vjeç si edhe një 80-vjeçar nga Berati.
Pas kryerjes së katër mijë testimeve, këtë të diel u konfirmuan edhe 780 raste të reja. Gati i njëjtë është edhe numri i të shëruarve nga COVID-19, 757 qytetarë.
Aktualisht në spitalet COVID po marrin trajtim 224 pacientë, nga të cilët 19 janë në gjendje më të rënduar.
