Këshilla për humbjen e peshës: 6 ushqime me bazë bimore që përmbajnë shumë proteina sesa vezët
Përveç vezëve, ka edhe disa ushqime të tjera të cilat janë një burim po aq i mirë proteinash.
Vezët janë një burim i madh i proteinave dhe ofrojnë një gamë të gjerë të vitaminave, mineraleve dhe komponimeve të tjera të dobishme. Ato janë të ulëta në kalori dhe gjithashtu ju mbajnë të ngopur për një periudhë më të gjatë. Vezët konsiderohen ideale kur jeni në një dietë për humbje peshe, pasi ato ndërtojnë masë muskulore dhe ju japin forcë. Mesatarisht, një vezë mund t’ju japë rreth 6 gram proteina.
Megjithatë, përveç vezëve, ka edhe disa ushqime të tjera të cilat janë një burim po aq i mirë proteinash. Sidomos, për vegjetarianët, ato janë burime ushqimore që kanë më shumë proteina se vezët.
USHQIMET QË KANË MË SHUMË PROTEINË SE VEZËT
Thjerrëzat: Vetëm gjysmë filxhani me thjerrëza dhe bishtajore mund t’ju japë deri në 8 gram proteina. Sipas disa nutricionistëve, duhet të konsumoni të paktën pesë lloje të ndryshme thjerrëzash në javë
Farat e kungullit: Farat e kungullit janë burime të dobishme të fibrave, zinkut, hekurit, kaliumit dhe magnezit. Për më tepër, ato janë gjithashtu të dendura me proteina. 30 gram fara proteinike ju japin 9 gram proteina.
Kikirikët: Kikirikët janë të pasur me proteina dhe karbohidrate. Një racion kikirikë përmban rreth 7 gram proteina.
Gjiza: Gjiza është e mbushur me lëndë ushqyese thelbësore dhe me shumë proteina. 100 gram gjizë siguron 25 gram proteina, që është më shumë se një vezë.
Gjalpi i bajames: Gjalpi i bajames është më i shëndetshëm se gjalpi i kikirikut pasi përmban më shumë vitamina dhe minerale. Gjithashtu, është një mënyrë efektive për të rritur marrjen e proteinave. Dy lugë gjalpë bajamesh mund t’ju japin 7 gram proteina. Përmban yndyrna të shëndetshme për zemrën dhe mund të jetë një opsion i shkëlqyeshëm për mëngjes.
