Në Pogradec u zhvillua për herë të parë një maratonë ndërkombëtare e certifikuar nga Federata Botërore e Atletikës, ku morën pjesë më shumë se 600 atletë nga 37 vende të Evropës.
Sportistë profesionistë, amatorë dhe turistë vendas e të huaj morën pjesë në dy gara prej 10-të dhe 21- të kilometrash.
Në finishin e 21 kilometrave mbërriti i pari kosovari Tiron Mamushaj, ndërsa në garën e 10 kilometrave doli fituese kosovarja Greca Bakoshie, që pak ditë më parë ishte pjesë e një tjetër maratone në Shtetet e Bashkuara.
Pjesë e këtij kompeticioni ndërkombëtar ishin edhe emra të tjerë të njohur sportive.
Emocione të shumta dhuroi familja Leka, e cila u nis nga kryeqyteti posaçërisht për këtë maratonë. Kryefamiljari e përshkoi të gjithë distancën duke pasur me vete në karrocë edhe 2 fëmijët e tij.
Pjesë e kësaj maratone ishin edhe kryebashkiaku Ilir Xhakolli, si dhe prefekti i Korçës Nertil Jole.
Maratona e Pogradecit pas certifikimit nga Federata Botërore e Atletikës do të organizohet çdo vit në qytetin liqenor.
