Subscribe
Shkon në 64 numri i të infektuarve me koronavirus në Shqipëri. Drejtoresha e Institutit të Shëndetit Publik, Albana Fico përditësoi të dhënat në një dalje mediatike. Ajo tha se në 24 orët e fundit janë shtuar pesë raste të reja. Nga rastet e reja, tre janë shtetas italianë që ndodhen në vendin tonë.
“Ju bëj me dije se, në 24 orët e fundit janë testuar 32 persona të dyshuar, prej të cilëve janë konfirmuar: Jane 5 raste të reja me COVID-19:– 3 prej të cilëve shtetas Italian që ndodhen aktualisht në Shqipëri– Një 80 vjeçar dhe nje 42-vjeçar nga Kavaja”
Në total që prej shënimit të dy rasteve të para janë testuar 697 persona. Numri më i madh i të prekurve është në Tiranë.
“Deri në këto momente testuar 697 janë raste të dyshuara dhe prej tyre janë të konfirmuar pozitivë me COVID-19, 64 raste:
• Tiranë 45 qytetarë• Durrës 5 qytetarë • Lushnje 2 qytetarë• Elbasan 2 qytetarë• Fier 6 qytetarë• Rrogozhinë 2 qytetarë• Kavajë 2 qytetar
Jane shënuar deri tani dy raste humbje jete
Ne Spitalin Infektiv ndodhen 32 paciente te shtruar. 3 pacientë janë në terapi intensive, por asnjëri prej tyre nuk është në respiracion të drejtuar. Ndërsa pjesa tjetër e të shtruarve në pavion janë në gjendje të stabilizuar deri në këto momente.”
Në fund të fjalës, Albana Fico përsëriti apelin ndaj qytetarëve për të bërë kujdes dhe zbatuar rregullat.
