Zorra juaj është e gjatë 1.5 metra, por, sado e madhe të jetë, ne priremi t’i kushtojmë shumë pak nga vëmendja jonë derisa të ketë një problem.
Zorra e trashë luan një rol kaq të rëndësishëm në jetën tonë të përditshme dhe për shkak të kësaj, ne nuk duhet ta injorojmë atë.
Këto 7 mënyra do ta mbajnë zorrën tuaj të pastër dhe të shëndetshme.
Shtoni Vitaminë C në dietën tuaj.
Vitamina C, e gjetur në shumë fruta dhe perime, mund të ndihmojë në pastrimin e zorrës së trashë, sipas një studimi në vitin 2015. Pini smoothie lakre jeshile, brokoli, luleshtrydhe, dhe limoni për zorrën tuaj dhe shëndetin e përgjithshëm.
Përdorni probiotikë, bakteret miqësore që mbrojnë zorrën e trashë.
Hulumtimet sugjerojnë që probiotikët mund të ndihmojnë në parandalimin dhe trajtimin e kancerit të zorrës së trashë. Këto “baktere të mira” parandalojnë inflamacionin dhe përmirësojnë konsistencën e lëvizjes së zorrëve, 2 pjesë të shëndetit të tretjes që kanë të bëjnë me zorrën e trashë.
Nivelet e larta të probiotikëve gjenden në ushqime të fermentuara si kosi grek, uthulla e mollës dhe disa lloje djathi.
Shtoni niseshte në dietën tuaj.
Niseshteja rezistente, që gjendet në ushqimet bimore si patatja, orizi, bishtajoret, bananet jeshile dhe drithërat, promovon një zorrë të shëndetshme duke rritur mikroflorën e zorrëve.
Gjithashtu, një rishikim i vitit 2013 mbi niseshtenë rezistente përcaktoi se ato zvogëlojnë rrezikun për kancer të zorrës së trashë.
Pini më shumë ujë për të rregulluar tretjen.
Konsumimi i pakët i lëngjeve është një shkak i zakonshëm i kapsllëkut. Kështu që pirja e 1,5 deri 2 litra ujë në ditë mund të parandalojë këtë.
Një mënyrë tjetër për të ndihmuar në plotësimin e nevojave tuaja për marrjen e lëngjeve është përfshirja e frutave dhe perimeve që kanë një përmbajtje të lartë uji, si kastraveci, kungulli i njomë, selinoja, domatet, pjepri dhe luleshtrydhet.
Sigurohuni që të hani shumë ushqime të pasura me fibra.
Hetimet kanë lidhur një konsum të lartë të ushqimeve të pasura me fibra me një rrezik të zvogëluar të kancerit të zorrës së trashë. Për më tepër, ushqimi me fibra ushqen bakteret “e mira” në zorrë që ndihmojnë në uljen e inflamacionit të zorrëve dhe përmirësojnë çrregullimet e tretjes si sindromi i zorrës së irrituar, sëmundja e Crohn dhe koliti ulçeroz.
Disa ushqime të pasura me fibra që mund të ndihmojnë zorrën e trashë janë mjedrat, bizelet jeshile, brokoli, thjerrëzat, fasulet dhe drithërat.
Çajrat bimorë mund të ndihmojnë shëndetin e tretjes përmes zorrës së trashë.
Çajrat bimorë thuhet se janë të dobishëm për pastrimin e zorrës suaj. Sipas një hetimi të kryer nga studiuesit australianë, ekziston një lidhje midis konsumit të çajit bimor dhe një rreziku më të ulët të kancerit të zorrës së trashë.
Bimët laksative si aloe vera dhe rrënja e altes mund të ndihmojnë me kapsllëkun, por sigurohuni që të bisedoni me mjekun tuaj përpara se t’i përdorni këto bimë, pasi ato ndonjëherë mund të jenë të dëmshme.
Provoni një shpërlarje me ujë të kripur.
Një studim i vitit 2010 vërtetoi që uji i kripur pastron zorrën e trashë kur kombinohet me poza të caktuara të yogas. Provoni këtë: çdo mëngjes, para vaktit të mëngjesit, përzieni 2 lugë çaji kripë deti / kripë Himalajane në një gotë me ujë të vakët. Pijeni atë menjëherë dhe përsërisni procesin edhe në mbrëmje.
A keni provuar ndonjë nga këto metoda? Çfarë bëni tjetër për të pastruar zorrën tuaj? Ndani me ne mendimet tuaja në komentet më poshtë!
/shkollaeshendetit.com
