Ju mund t’i bëni të bardhat tuaja të zgjasin më gjatë nëse kujdeseni për to.

Në fakt, përbërësit e thjeshtë shtëpiakë mund të përdoren për të ruajtur veshjet tuaja të preferuara nga e hirta, e verdha ose zbehja.

Ne kemi mbledhur mënyrat më të njohura dhe efektive për të zgjatur jetën e rrobave tuaja dhe për t’i bërë ato të duken të reja për më shumë kohë.

Heqja e njollave kokëforta

Hidhni 2 litra ujë në një tenxhere të madhe dhe çojeni deri në vlim. Merrni tre limona dhe shtrydhni lëngun. Përzieni një lugë kripë në ujë të nxehtë. Shtoni lëngun e limonit dhe një 1/4 filxhan pluhur larës. Lërini rrobat tuaja të zhytura për rreth 40 minuta, dhe më pas shpëlajini në ujë të pastër dy deri në tre herë.

Mbani mend: Kjo recetë është gjithashtu një mënyrë e shkëlqyeshme për të hequr qafe njollat e djersës në zonat e sqetullave ose jakat.

Zbardhja e këmishave

Hidhni një lugë gjelle sodë buke direkt mbi zonën e njollosur. Pritini një limon në gjysmë dhe fërkoni anën e prerë mbi njollë. Lëreni për 15 minuta, pastaj lajeni si zakonisht me ujë të ngrohtë.

Shënim: Kjo metodë shpesh përdoret për heqjen e njollave të verdha të sqetullave nga këmishat e bardha. Ju gjithashtu mund të bëni një pastë me sodë buke dhe lëng  limoni dhe më pas ta fërkoni në zonën e prekur për të pastruar njollën.

Zbardhues për të gjitha qëllimet

Peritni dy limona, dhe shtojini ato në një tas me ujë të zier. Vendosni rrobat tuaja të bardha në tas dhe i lini për rreth 40 minuta. Pas njomjes, lajini si zakonisht në lavatriçe.

Një këshillë e dobishme: Limoni është një pastrues të shkëlqyeshëm për të gjitha rrobat tuaja të preferuara dhe nuk dëmton pëlhurat.

Larja e rrobave delikate

Përzieni 1/4 filxhan detergjent rrobash me 1/4 filxhan peroksid hidrogjeni dhe shtojeni atë në 2 ujë të ngrohtë. Zhytni rrobat në solucion për 30 minuta, dhe më pas shpëlajini tërësisht.

Mos harroni ju lutemi: Për të ruajtur cilësinë e rrobave tuaja, është e nevojshme që të zgjidhni detergjentin tuaj të rrobave me kujdes. Kjo recetë është e përshtatshme për larjen e copës së leshit dhe pëlhurave të tjera delikate.

Larje intensive

Shtoni 1/4 filxhan peroksid hidrogjeni dhe 4 pika amoniak në ujë. Lërini rrobat tuaja të zhyten në këtë solucion për 10 minuta. Më pas shpëlajeni tërësisht.

Mbani shënim: Kjo zgjidhje është më e fortë se të tjerat dhe, për këtë arsye, më efektive. Mos harroni të vishni doreza kur e përdorni.

Zbutës natyral

Zhytni veshjen tuaj për 40 minuta në një solucion me ujë të ngrohtë dhe 1/2 filxhan uthull. Nëse dëshironi të heqni qafe njollat e djersës, hidhni uthull në zonën e njollosur dhe fërkoni me një copë sapuni.

Shënoje dhe këtë: Uthulla jo vetëm zbardh rrobat, por funksionon edhe si zbutës natyral i rrobave.

Larje liri

Vendosni rrobën në një kovë me qumësht të thartë dhe lëreni për 1-2 orë. Më pas lajeni si zakonisht. Ju mund ta përsërisni njomjen nëse është e nevojshme.

Një hile e vogël: Kjo teknikë jo vetëm që ndihmon rrobën tuaj të zgjasë më shumë, por gjithashtu e bën atë më të butë dhe të këndshme për lëkurën.

/shkollaeshendetit.com