Gjashtë pacientë të tjerë kanë arritur të fitojnë betejën me koronavirusin në Shqipëri.
Gjithsej në vendin tonë numërohen 789 persona që janë shëruar. Situata në Spitalin Infektiv vijon të jetë e qëndrueshme.
Të shtruar janë 15 pacientë, ndërsa numri i atyre në gjendje kritike ka pësuar rënie.
Këtë të dielë u raportua për vetëm katër pacientë në terapi intensive, nga pesë që ishin të shtunën.
