Kryeministri Edi Rama gjatë konferencës së përjavshme “Ekonomia në Fokus” tha se qeveria po pergatitet për pasaporten e vaksinimit anti-COVID të qytetarëve.
“Ne disponojmë falë revolucionit dixhital kemi një sistem që garanton transparencë dhe kemi pasaportën dixhitale të vaksinimit, duke u përgatitur për rastet kur vaksinimi të kthehet në kusht për udhëtimet jashtë vendit”, theksoi Rama.
Ndërkohë kreu i qeverisë foli edhe për atë që e quajti revolucion digjital, që kur PS-ja erdhi në pushtet.
“Nga 14 shërbime që ishin, kemi 1207 shërbime. Kemi 1.87 milionë përdorues nga 50000 që ishin kur erdhëm në pushtet”, u shpreh kreu i qeverisë.
Kreu i qeverisë shtoi më tej se falë digjitalizimit janë shkurtuar 472 vjet kohë nëpër radhë. “95% e shërbimeve janë online për qytetarët shqiptarë”, tha ai më tej.
(TemA(