Qëllohet me armë zjarri gazetari investigativ holandez Peter. R. de Vries.De Vries u dërgua në spital në një gjendje të rëndë pasi u qëllua me armë në qendër të qytetit mbrëmjen e djeshme. Gazetari u sulmua disa minuta pasi ishte paraqitur në një emision televizive.
Dëshmitarët okularë kanë treguar se ndaj tij është qëlluar 5 herë si dhe një nga plumbat i ka prekur pjesën e kokës.
Në të kaluarën De Vries, 64 vjeç, i është dhënë mbrojtje policore pasi ka marrë kërcënime për përfshirjen e tij në çështjet penale si gazetar hulumtues dhe në gjykatë.
Kryebashkiaku i Amsterdamit Femke Halsema tha se ai “po luftonte për jetën e tij” dhe dënoi atentatin ndaj tij si një “sulm mizor, të pashpirt”.
Policia tha se tre persona janë arrestuar në lidhje me të shtënat, e cila ndodhi rreth orës 19:30 me kohën lokale.
Dy të dyshuar u arrestuan në një makinë në autostradën A4 në Leidschendam, dhe një i tretë në Amsterdam, me personin e armatosur që besohet se ishte mes tyre.
Policia po bën thirrje për dëshmitarë dhe pamje CCTV të të shtënave, por duke u kërkuar njerëzve që të mos ndajnë materialin në mediat sociale.
Ata i kërkuan publikut të mos i afrohej një të dyshuari që ata e përshkruanin si një njeri me lëkurë të çelët me një strukturë të hollë, një xhaketë maskimi të gjelbër të errët dhe një kapele të zezë.