Dje deklaroi se do të qëndronte si drejtor i UKV, drejtoresha e re merr policinë dhe i shkon në zyrë, Shkëlqim Leskaj largohet nga detyra

Një ditë më parë shpërndau për mediat lajmin se qëndronte në krye të detyrës, sot largohet nga detyra Drejtorit të Ujësjellës Kanalizime Vlorë Shkëlqim Leskaj.

Leskaj ka bërë dorëzimet pasditen e djeshme ndërsa është çregjistruar edhe nga QKR.

Sot pranë zyrave të ujësjellësit është paraqitur drejtuesja e re e ujësjellësit Elona Hodaj. Hodaj është shoqëruar edhe nga policia private, por ndërhyrja e këtyre të fundit ka qenë e panevojshme për shkak se Leskaj është larguar vetë nga zyra.

Konflikti mes kryebashkiakut të Vlorës, Dritan Lelit dhe drejtorit të Ujësjellësit Kanalizimeve Vlorë, Shkëlqim Leskaj ka filluar në datën 4 gusht. Në këtë datë, drejtori Leskaj, ka firmosur dorëheqjen nga posti i tij, por është penduar më pas dhe ka kërkuar ta kthejë mbrapsht, por Leli nuk e ka pranuar.

Ndërsa siç mësohet, në datën 15 shtator, kryebashkiaku Dritan Leli ka kërkuar nga drejtori i UKV, Shkëlqim Leskaj që të lirojë zyrën, por ky i fundit nuk ka pranuar madje e ka mbyllur derën me çelës. Kjo ka bërë që konflikti mes palëve të përfundojë në drejtorinë e policisë së Vlorë, ku të gjitha palët janë paraqitur për të dhënë dëshmitë e tyre për ngjarjen.

Dha dorëheqjen më pas u pendua dhe e tërhoqi, konflikti me Dritan Lelin, Leskaj i pashqetësuar në krye të detyrës si drejtor i UKV (VIDEO)