BELSH– Një 25-vjecar është arrestuar nga policia në Belsh, pasi drejtonte motoçikletën në gjendje të dehur. Sipas policisë në pranga ka përfunduar Klodjan Dervishi, pasi është aksidentuar me motoçikletën e tij duke u bërë rrezik edhe për qytetarë të tjerë.
Njoftimi i policisë: Nga Specialistët e Qarkullimit Rrugor, u arrestua në flagrancë shtetasi : Klodjan Dervishi, 25 vjeç, banues në Belsh.
Pasi në qytetin e Belshit, ky shtetas u kap nga shërbimet e Policisë Rrugore, duke drejtuar motoçikletën në gjendje të dehur dhe për pasojë ka dalë nga rruga duke u dëmtuar vetë drejtuesi motoçikletës, i cili ndodhet në Spitalin e Elbasanit, jashtë rrezikut për jetën.
Materialet i kaluan Prokurorisë pranë Gjykatës së Shkallës së Parë Elbasan, për veprat penale, ” Shkelja e rregullave të qarkullimit rrugor”, “Drejtimi i automjeteve në gjendje të dehur apo pa dëshmi”, të parashikuar nga nenet 290, 291 të Kodit Penal.
(BalkanWeb)