“Shqipëria po shuhet”, Meta: Shpopullimi një projekt i qëllimshëm antikombëtar, shqiponjat duhet të kthehen në atdhe

Presidenti Ilir Meta me anë të një postimi në rrjetin social “Facebook”, ashtu si herë të tjera, ka shprehur shqetësimin lidhur me shpopullimin e vendit nga të rinjtë të cilët ikin jashtë shtetit për një jetë më të mirë.

Meta tha se ky ishte një lloj projekti i qëllimshëm antikombëtar dhe se të gjithë duhet të bëheshin bashkë për ta luftuar shpopullimin e vendit.

Postimi i Plotë nga presidenti Ilir Meta:

Shpopullimi i Shqipërisë është një projekt i qëllimshëm antikombëtar.
Më shumë se kurrë, Shqipëria ka sot nevojë për shpresë dhe besim, që shqiponjat të kthehen dhe të qëndrojnë në folenë e tyre, ku të jetojnë të qetë dhe të ndërtojnë të ardhmen e sigurt europiane! 🦅🇦🇱
Të gjithë bashkë kundër shpopullimit të Shqipërisë! 👐🇦🇱
Përgëzime gazetarit Marin Mema për profesionalizmin e tij! 👏