“Nëse voton Berishën dhe Metën mban Ramën”, PD reagon ashpër: Burracakët sot nuk patën as kohë dhe as guxim për të votuar kundër Vettingut!

Partia Demokratike ka deklaruar se burracakët sot nuk patën as kohë dhe as guxim për të votuar kundër Vettingut.

PD-ja shkruan se non gratat e shpallura dhe të pashpallura kanë dështuar që të marrin peng partinë. Gjithashtu shkruhet se trekëndëshi Berisha-Meta-Rama janë penge të korrupsionit të tyre dhe se po shantazhojnë njëri-tjetrin.

Reagimi nga PD:
“Non grata të shpallura dhe të pashpallura kanë dështuar të marrin peng PD-në dhe ta kthejnë atë në mburojë të interesave personale. Ata janë në hall e halli sa vjen e bëhet më i madh, prandaj çdo ditë lëshojnë mashtrime ordinere. Ata janë burracakë se nuk patën as guximin të votojnë sot kundër edhe pse e deklaruan me të madhe, por ikën ashtu siç janë munduar të fshihen pas çdo vendimi që i ka kushtuar shumë këtij vendi.
Ata janë pengje të korrupsionit të tyre, shantazhojnë njëri-tjetrin, kapen pas njëri-tjetrit me shpresën se mund ta shtyjnë edhe pak.
Koha e non grata-ve të shpallura e të pa shpallura ka mbaruar. Korrupsionin e tyre nuk e mbulojnë dot pas akuzave ordinere.
Sot çdo shqiptar e ka të qartë: nëse voton Berishën dhe Metën mban Ramën”