Sot nis punën Komisioni i Posaçëm Parlamentar për Reformën Zgjedhore.
Ky komision do të bashkëdrejtohet nga Damian Gjiknuri dhe Enkelejd Alibeaj. Si anëtar do të jetë edhe Oerd Bylykbashi, i cili ka qenë në tryezën politike një vit më parë, kur u bënë ndryshimet në kod.
Mësohet se fokus të punës, komisioni do ketë ndryshimet në Kodin Zgjedhor. Diskutime pritet që të ketë për rekomandimet e OSBE-ODIHR, por edhe për boshllëkun e krijuar pas vendimit të Gjykatës Kushtetuese për të rrëzuar herësin që u vendos në zgjedhjet e kaluara.