Policia e Tiranës pas kontrolleve të kryera ka evidentuar dhe proceduar administrativisht 262 drejtues mjetesh.
Nga këto raste, rezulton se shumë drejtues mjetesh thyejnë rregullat në qarkullim, duke u bërë shpeshherë si burim rrezikshmëri për jetën e kalimtarëve.
Sipas policisë rrugore të Tiranës nga këto raste 35 drejtues mjetesh janë konstatuar duke qarkulluar në korsitë e rezervuara për mjetet e shërbimit publik në rrugën “Dritan Hoxha”.
Ndërkohë 21 drejtues të tjerë mjetesh u konstatuan se vazhdojnë lëvizjen, ndonëse sinjalizimi i semaforit e ndalon atë, 52 shofëre janë penalizuar për mospozicionim siç duhet në korsitë e lëvizjes.
Përdorimi i telefonit duket se është një tjetër penalizim për 67 drejtues mjetesh dhe 87 drejtues janë ndërshkuar me masa administrative për parkime të gabuara.
