Pas debateve dhe përplasjeve të forta në Kuvendin e Shqipërisë mes maxhorancës dhe opozitës për çështjen e Ahmetajt, duket se është arritur një farë dakordësie.
Konferenca e Kryetarëve vendosi që seanca për votimin e kërkesës së SPAK për dhënën e autorizimit për arrestimin e ish-zëvendëskryeministrit Arben Ahmetaj të mbahet nesër.
Bëhet me dije se seanca do të mbahet nesër në orën 10:00, ku do të ketë dy raporte për këtë çështje.
Ky vendim erdhi pas tërheqjes së maxhorancës, e cila kërkonte shtyrjen me një javë të votimit, ndërkohë që opozita kërkoi që ky votim të ishte rend dite dhe të bëhej sa më shpejt.