Kombëtarja “kuqezi” përfundoi aventurën në EURO2024, pasi zhvilloi tre ndeshjet në grup, ku mundi të siguronte vetëm një pikë, e cila ishte e pamjaftueshme për të vijuar më tej.
Gjatë kësaj periudhe, si pjesë e planit të sigurisë, në bashkëpunim me autoritet policore gjermane, u angazhuan edhe disa punonjës të Policisë së Shtetit, të cilët gjithashtu kanë mbyllur angazhimin e tyre pas eliminimit të kombëtares.
Tifozët shqiptarë pushtuan Gjermaninë gjatë këtyre ditëve, duke treguar një sjellje shembullore dhe duke mos regjistruar asnjë incident.
Kujtojmë që përballë Italisë në stadiumin e Dortmundit, ishin rreth 50 mijë shqiptarë, diçka në Hamburg përballë Kroacisë dhe rreth 40 mijë në ndeshjen e fundit në Dyseldorf përballë Spanjës.
Njoftimi:
Përfundimi i udhëtimit të Kombëtares shqiptare🇦🇱 në “EURO 2024” shënon edhe mbylljen e angazhimit më të rëndësishëm të punonjësve të Policisë së Shtetit, si pjesë e planit të sigurisë, në bashkëpunim me autoritetet policore gjermane🇩🇪
Një bashkëpunim i frytshëm🤝, edhe falë tifozerisë së shumtë shqiptare, që spikati me sjelljen e saj korrekte👏
