Celine Dion: Merr pjesë në një koncert të Coldplay dhe vallëzon me këngët e Chris Martin
Artistët i mbështesin artistët dhe Chris Martin e ka vërtetuar këtë shumë herë.
Në koncertin e tij me Coldplay të dielën, më 8 qershor, në Las Vegas, ai tronditi publikun kur kuptoi se Celine Dion ishte në tribunën e stadiumit ku po mbahej koncerti.
Këngëtarja e famshme, e cila është larguar nga eventet muzikore vitet e fundit për shkak të problemeve shëndetësore, bëri një paraqitje të rrallë publike në këtë koncert në stadiumin Allegiant në Las Vegas, ku u duartrokit nga publiku.
Edhe më prekëse ishte dedikimi i Chris Martin për këngëtaren nga skena. Pasi tha: “Oh, Celine, motra ime e bukur. Ti më bën zemrën të rrahë vazhdimisht…”, ai i dedikoi asaj këngën “Fix me”.
Ajo, e prekur dhe e buzëqeshur, formoi një zemër me duart e saj, duke tërhequr duartrokitjet më të forta të mbrëmjes, ndërsa në pamjet që u publikuan e shohim duke fshirë lotët.
Në krah të saj ishin tre fëmijët e saj, René-Charles dhe djemtë binjakë, Nelson dhe Eddy. Për mbrëmjen ajo zgjodhi një kostum gri dhe i lidhi flokët në një topuz të ngushtë e të ulët.
Më vonë ajo ndau foto nga nata me ndjekësit e saj në Instagram, duke shkruar: “Çfarë nate e paharrueshme me Coldplay në stadiumin Allegiant. Zemra ime ende po këndon.
Një falënderim i përzemërt për grupin dhe ekipin e tyre të mrekullueshëm për mikpritjen e tyre të ngrohtë dhe bujare ndaj familjes sime. Ishte gjithçka… fantastike.”
